नैनागढ़ की लड़ाई ( बरात आगमन वर्णनोनाम प्रथम स्तरंग)

सवैया
दीनसहायक नाम तुम्हार सुना बहु ग्रंथन में महाराज |
है शबरी गजगीध अजामिल ते अजहुं जिहिकोयशछाजा ||
जो करणी सुमिरों इनकी तबहीं मन धैर्य्य लहै रघुराज |
दिन पुकारकरै ललिते प्रभु बेगि द्रवों हे गरीब नेवाजा ||
सुमिरन ||
गया न किन्ही जिन कलयुग माँ	काशिम घोडा दान नहिं दीन ||
जनमत बैरी जिन मारा ना	नाहक जन्म जगत में लीन १
पूजा कीन्ही नहिं शम्भू की	अक्षत चन्दन फूल चढ़ाय ||
फिरि गलमाँदरी जिन बजी ना	मुख ना बम्ब बम्ब गा छाय २
भसमरमायो नहिं देहि माँ	कबहूँन लीन सुमिरनी हाथ ||
सोचन लायक ते आरय हैं	जिन नहिं कबों नवायोमाथ ३
को अस देवता रहै शम्भुसम	जिनको पूज्यो राम उदार ||
वेद उपनिषद के ज्ञाता रहैं	जिनबल भयो रावणछार ४
छुटी सुमिरन गै देवन कै	शाका सुनो शुरमनक्यार ||
ब्याह बखानों मैं आल्हा का	होई तहाँ भयानक मार ५
अथ कथाप्रसंग
नैनागढ़ का जो महाराजा	सजा सबै भांति कर्त्तार ||
राजा इन्दर का बरदानी	औ नैपाली नाम उदार १
तिन घर कन्या इक पैदा भे	सबबिधि रूप शीलगुणखान ||
पढ़ीकै विद्या सब जादू की	कछुदिनबाद भई फिरिज्वान २
संगसहेलिन के खेलति भय	सुनवाँ कही तसुका नाम ||
खेल लरिकईं को जाहिर है	लरिका ख्यलें चारिहूयाम ३
खेलत खेलत फुलबगिया गईं	सब मिलि करैं फुलनकी मार ||
कटहर बड़हर त्याही बगिया में	कहुं कहुं फूल रही कचनार ४
उठे सुगंध कहू चन्दन की	कतहूँ कतलिन खड़ी कतार ||
गुम्मज सोहैं मोमशिरिन के	कहूँ कहुं फुलीं चमेलीडार ५
बेला फूले अलबेला कहुं	खिन्नन लाता गईं बहुछाय ||
हर्र वहेरा सांखो बिरवा	सीधे चले ऊपर को जायें ६
बरगद छैलें हैं नीचे को	फैले भूमि रहे नियराय ||
जैसे सम्पति सज्जन पावैं	नीचे शीश झुकावट जाएँ ७
शीशम जानो तुम नीचनको	आधे सरग फरहरा खाएं ||
चलै कुल्हाड़ा जब नीचेते	गिरिके टूक टूक ह्वैजाएँ ८
को गति बरणे तहाँ अधमनकै	सो हैं करिल रूपते भाय ||
टाल तमालन कै गिनतिना	कदमन गई सघनता छाय ९
फुली नेवारी अब अगस्त्य हैं	आमनडार क्केलिया बोल ||
सोहें अशोकन के बिरवा भल	तीनो चाहं बयारी डोल १०
गुलर जामुन पाकर पीपर	कोनन खड़े वृक्ष सरदार ||
तार अपारन के बिरवा बहु	कहुं कहुं खड़े वृक्ष कह्वार ११
टेसू फूलें कहुं सोहत हैं	जैसे सोहें लडैता ज्वान ||
रूप गुलाबन को देखंत खन	फुलनछांडीदीन अभिमान १२
कौन कनेरण को वर्णन कर	चांदनि चाँद सरिस गै छाय ||
फूल दुपहरी के भल सोहैं	मोहैं मुनिन मनै अधिकाय १३
गेंदन केरे बहु बिरवा हैं	अर्जुन बृक्ष परैं दिखराय ||
मिला लाग्यो नौरंगिन का	हेला निम्बुन का दर्शाय १४
ठेला भरि भरि अमरूतन का	माली राजभवन को जाय ||
केवांडा केरी उठें सुगंधे	कहुंकहुं नागबेलिगे छाय १५
ताही बगिया सुनवाँ खेलै	मेलै गले सखिन के हाथ ||
सखियाँ बोली तहाँ सुनवान्ते	तुम नित ख्यलोहमारेसाथ १६
पैर महावर पै तुम्हरे ना	टिकुली नहीं बिराजै भाल ||
द्रव्य तुम्हारे का घर नाहीं	जो नहिं ब्याह करै नरपाल १७
इतना कहिकै सब आलिनने	औ करताली दीन बजाय ||
समय दुपहरी को जान्यो जब	तब फिरि खेलबन्द ह्वैजाय १८
कीरति गावैं सब आल्हा की	माड़ो लिहेनि बापका दाएँ ||
धन्य बानफ़र उदयसिंह हैं	आल्हा केर लहुरवा भाय १९
ऐसी बातैं सखियाँ करतै	अपने भवन पहुँचीं आय ||
ताही क्षणमें सुनवाँ मन में	अपने ठीक लीन ठहराय २०
ब्याही जैबे आल्हा संग में	की मरिजाब जहर को खाय ||
छाय उदासी गै चिहरा में	पूँछै बार बार तब माय २१
कौन रोग है त्वरि देही माँ	बेटी हाल देउ बतलाय ||
पीली ह्वैगै सब देही है	औतनकाँपिकाँपिरहिजाय २२
को हितकारी है मातासम	नाता बड़ा जगत केहिभाय ||
अब तो बाबा कलियुग आये	माता सहैं लात के धाय २३
सुनिकै बातें ये माता की	सुनवाँ चरणन शीश नवाय ||
जो कछु भाषारहै सखियनने	सुनवाँ मातै गई सुनाय २४
सुनीकै बातैं सब कन्या की	माता रही समय को देखि ||
यकदिन ऐसा आनपहूंचा	राजा रहा कन्यका पेखि २५
रानी बोली तब राजाते	हमरे वचन करो परमान ||
ब्याहन लायक यह कन्या भए	सोतुमजानो नृपतिसुजान २६
सुनिकै बातैं ये रानी की	बिजिया बेटा लीन बुलाय ||
नाई बारी को बुलवायो	तिनते कह्योहालसुझाय २७
जयो मोहोबे ना टीका लै	सब कहूँ जाउ तुरतही धाय ||
नाई बारी तुरतै चलिभे	पहुंचे नगर नगर में जाय २८
काहू टीका को लिन्ह्यो ना	नैनागढ़े पहूचे आय ||
खबरि सुनाई सब राजा को	नेगिनचरणशीशनवाय २९
जालिम राजा नैनागढ़ का	राजन यही विचार जीय ||
मारे डरके छाती धड़कै	कैसेहोयें तहांपर पीय ३०
थोरी थोरी फौजें लैकै	नैनागढ़ै पहूंचे आय ||
नजरी दीन्ह्यो नैपाली को	राजाचरण शीशनवाय ३१
सरबरि तुम्हरि का नाहीं हैं	टीका लैयं कहौ कास भाय ||
कुमुक तुम्हारी को आयन है	राजन सत्यदीन बतलाय ३२
त्यही समैया त्यही औसरमाँ	औ सुनवाँ को सुनो हवाल ||
हीरामणि सुवनाको लैके	सुनवाँ भई रोवासिनिबाल ३३
चुम्यौ चाट्यो त्यहि सुवनाको	औफिरिकह्योवचन यह गाय ||
मेवा खायो भल पिंजरन में	अब गाढ़े में होउ सहाय ३४
लैके पाती जाउ मोहोवे	देवो उदयसिंह को जाय ||
लिखी हक़ीकत सब आल्हाको	सुनवाँ बार बार समुझाय ३५
नामी ठाकुर तुम मोहबे में	हमरो ब्याह करो अब आय ||
नहिं मरि जायो जहर खायकै	दूनो भाइ बानफ़रराय ३६
लिखिकै पाती गल सुवनाके	सुनवाँ तुरत दीन लटकाय ||
मूठी दीन्ह्यो फिरि कोठे ते	सुवना चला मोहोबे जाय ३७
चन्दन बगिया सुवना पहुँच्यो	तहं पर रहै उदयसिंहराय ||
चन्दन ऊपर सुवना बैठो	परिगा दृष्टि तुरतही आय ३८
भल चुचकास्यो उदयसिंह ने	आपन नाम दीन बतलाय ||
सुवना बैठ्यो तब हाथेपर	पाति छोरी लीन हर्षाय ३९
बांचिकै पाती तब उदन ने	औ सय्यद को दीन सुनाय ||
सय्यद आल्हासों बतलायो	मलखे देबै दीन बताय ४०
लैकै पति औ सुवना को	गे परिमाल कचहरी धाय ||
कही हकीकति सब राजा सों	पाती दीन उदयसिंहराय ४१
पढ़ीकै पाती को परिमालिक	मनमाँ गए सनाकाखाय ||
होश उड़ान्यो परिमालिक को	मुँहकाबिरागयो कुम्हिलाय ४२
बोली ना आवा परिमालिक सों	औ द्वाढालों लार सुखाय ||
थर थर थर थर देहि काँपी	शिरसों मुकुट गिरा भहराय ४३
रोम रोम सब ठाढ़े ह्वैगे	नैनन बही आँसू की धार ||
धीरजधरिकै परिमालिक फिरि	औ मलके tan रहे निहारि ४४
मलखे बोले तब राजा ते	साँचे बचन सुनो नरपाल ||
टीका पठयो है बेटी ने	सोंहिंलौटीसकैक्यहुकाल ४५
सुनिकै बातें मालखाने की	बोले तुरत रजापरिमाल ||
ब्याधि नशायो गढ़माड़ो को	दूसरि ब्याधिभयोफिरिहाल ४६
टीका फेरो नयनागढ़ को	मलखे मानो कही हमार ||
जालिम राजा नयपाली है	ज्यहिघर अमरढोल सरदार ४७
कौन बियाहन त्यहि घर जैहै	ऐहै लौटि कौन बलवान ||
टीका फेरो सब राजन ने	मानो कही वीर मलखान ४८
सवैया
शान ठाढ़ी मलखान के ऊपर आँ नहीं कछुहू नृप राखी |
मोहिं पियार न प्राण भुवार कहौ मैं सत्य सदाशिव साखी ||
कीरतिही प्रिय विरनको हम शान कि आन सदा मनमाखी |
आनरहैनहिं शान कि जो मरिजान भलो ललिते हम भाखी ||
इतना कहिकै मालखाने ने	डंका तुरत दीन बजवाय ||
लिखिकै उत्तर उदयसिंह ने	सुवना गरे दीन लटकाय ५०
उड़ीकै सुवना फिरि मोहोबे ते	सुनवाँ पास पहूंचा आय ||
रानी मल्हना के महलन में	राजा तुरत पहूंचे जाय ५१
हाल बतायो सब मल्हना को	सुनतै गई सनाका खाय ||
मलखे देवा को बुलवायो	सुनतै गये महल में आय ५२
मल्हना बोली तब मलखे ती	बेटा हाल देउ बतलाय ||
कहे डंका तुम्हरे बाजे	कहाँ चढ़ीजाउ बानफ़रराय ५३
हाथ जोरिकैमलखे बोले	मल्हना चरणन शीश नवाय ||
पाती आई नैनागढ़ की	आल्हा तहाँ बियाहन जाएँ ५४
सुनिकै बातैं मालखाने की	मल्हनै देवै कहा सुनाय ||
शकुन तुम्हारे सो मलखाने	माड़ो लीन बाप का दाएँ ५५
कैसी गुजरी नैनागढ़ में	सो सब हाल देव बतलाय ||
सुनिकै बातैं ये मल्हना की	देवा पोथी लीन मंगाय ५६
लैकै पोथी ज्योतिष वाली	औ सब हाल दीन बतलाय ||
जीति तुम्हारी यहाँ हैहै	साँची बात कहैं हम माय ५७
इतना कहिकै दूनों चलि भे	महलन भये मंगलाचार ||
बांदी आँगन लीपन लागी	पंडित साइति रहे बिचार ५८
एक कुमारी तेल चढ़ावै	गावनलगीं सखी त्यहिकाल ||
माय मंतरा भे पाछे सों	नेगिननेग दीन परिमाल ५९
लैकै महाउर नाइनि आई	नहखुर होनलाग त्यहिबार ||
नाइनि मांग्यो तहं पुरवाको	दीन्ह्यो मल्हना परम उदार ६०
उबटन करिकै तन केसरसों	निर्मलजलसों फिरिअन्ह्वाय ||
कंकण बांधागा आल्हा के	दूलह बने बानफ़रराय ६१
सजी पालकी तहं ठाढ़ीथी	तापर बैठी शम्भू को ध्याय ||
कुंवा बियाहन आल्हा पहुंचे	मल्हना पैर दीन लटकाय ६२
पहिली भांवरि के फिरतैखन	आल्हा गह चरणको धाय ||
बाग़ लगावों तेरे नाम की	माता लेवो चरण उठाय ६३
ऐसो कहिकै सातों भाँवरि	घूमा तुरत बनाफ़रराय ||
मल्हना बोली फिरि आल्हा सों	सेयों तुमको दूध पियाय ६४
तासों द्यावलि सों अधिकी मैं	तासों पैर दीन लटकाय ||
पंजा फेरयो फिरि पीठी माँ	तुम्हरो बार न बांको जाय ६५
पांय लागीकै फिरि द्यावलिके	पालकी चढ़े बनाफ़रराय ||
हुकुम लगायो बधउदन ने	डंका बजन लाग घहराय ६६
घोड़ करिलिया आल्हा वाला	कोतल चला पालकी साथ ||
मलखे पपीहापर बैठत भे	नायकै रामचंद्र को माथ ६७
घोडा मनोहरा की पीठी माँ	देबा तुरत भयो असवार ||
सय्यद सिरगा पर बैठत भे	नाहर बनरस के सरदार ६८
अली अलामत औ दरियाखां	बेटा जानबेग सुलतान ||
तेग बहादुर अली बहादुर	बैठे घोड़ आपने ज्वान ६९
मीराताल्ह्न के लरिका ये	नाहर समरधनी तलवार ||
मन्नागूजर मोहबे वालो	सोऊ बेगि भयो असवार ७०
सातलाख लग फौजें सजिकै	नैनागढ़ को भई तयार ||
डंका बाजें अह्तंका के	उदन बेंदुलपर असवार ७१
सजे बाराती सब मोहबे के	जल्दी कूच दीन करवाय ||
सातरोज़ की मैजली करिकै	फौजें अटी धुरा पर आय ७२
आठ कोस नैनागढ़ रहिगा	तहंपर डेरा दीन डराय ||
तम्बू गडिगा तहाँ आल्हा का	बैठे सबै शूरमा आय ७३
ऊँचे ऊँचे तम्बू गड़ीगे	नीचे लागीं खूब बाजार ||
कम्मर छोरे रजपूतन ने	हाथिन हौदा धरे उतार ७४
तंग बछेड़न की छोरी गईं	क्षत्रिन धारा ढाल तलवार ||
बनी रसोई रजपूतन की	सबहिनजेंयलीन ज्यँवनार ७५
गा हरकारा तब तहँनाते	जहाँना भरीलाग दरबार ||
बैठक बैठे सब क्षत्री हैं	एकते एक शूर सरदार ७६
गम् गम् गम् गम् तबला गमकें	किन् किन् परी मंजीरन मार ||
को गतिबरनै सारंगी कै	होवै नाच पतुरियन क्यार ७७
खये अफिमनके गोला कोउ	पलकैं मूंदे और रहिजाएँ ||
कोऊ जमाये हैं भांगन को	मनमाँ रहे रामयश गाय ७८
उड़े तमाखू बुटवल वाली	धूंवना रहा तहांपर छाय ||
हाथ जोरि औ बिनती करिकै	धावन बोल्यो शीशनवाय ७९
अई बरातें क्यहू राजाकी	घूरे परीं आजही आय ||
आठकोस केहैं दुरीपर	सांची खबरि दीन बतलाय ८०
सुनिकै बातैं नयपाली ने	तीनो लड़िका लये बुलाय ||
जोगा भोगा औ बिजियाते	राजा बोल्यो बचन सुनाय ८१
जावो जल्दी तुम घूरेपर	हमको खबरि सुनावो आय ||
सुनिकै बातै  तीनो चलिभे	घूरे तुरत पहूंचे जाय ८२
ऊँचे टिकुरी तीनो चढीकै	दूरिते द्यखैं तमाशा भाय ||
देखिकै फौजें मालखाने की	तीनों गये तहाँ सन्नाय ८३
तीनों लौटे त्यहि टिकुरिते	अपने महल पहूंचे आय ||
भोजन केरी फिरि बिरियामाँ	राजै खबरि दीन बतलाय ८४
लगी कचहरी ह्याँ आल्हाकी	भारी लाग तहाँ दरबार ||
बैठक बैठे सब क्षत्री हैं	एकते एक शूर सरदार ८५
मीराताल्हन बनरसवाले	आलि खानदान के ज्वान ||
बड़े पियारे ते क्षत्रिन के	अपने धर्म कर्म अनुमान ८६
सच्चे साथी रहें चारों के	यारों मानों कही हमार ||
ऐसे होते जो सय्यद ना	कैसे बने राहत सरदार ८७
अली अलामत औ दरियाखां	बेटा जानबेग सुलतान ||
औरो लड़िका रहैं सय्यदके	एकते एक रूप गुणखान ८८
मन्नागुजर मोहबे वाला	बैठा बड़ा सजीला ज्वान ||
रुपनाबारी ते त्यहि समया	बोले तहाँ बीर मलखान ८९
ऐपनवारी बारी लैकै	राजैद्वार पहूँचो जाय ||
सुनिकै बाते मालखाने की	रुपना बोला शीशनवाय ९०
औरो नेगी मोहबे वाले	आये साथ बनाफर राय ||
ऐपनवारी बारी लैकै	द्वारे मूड कटावै जाय ९१
सुनीकै बातें ये रुपना की	बोले तुरत उदयसिंहराय ||
तुमको नेगी हम मानै न	जानै सदा आपनो भाय ९२
ददा बियाहन को रहि हैं ना	बतियाँ कहिबे को रहिजाएँ ||
यश नहींजावै नर मरिजावै	परहित देवै मूडकटाय ९३
स्वारथ देही तब नरकेही	नेही मरे न पावै चाम ||
सन्मुख जूझे समरभूमि में	जावै तुरत हरी के धाम ९४
बड़े प्रतापी जग में जाहिर	मनियांदेव मोहोबे केर ||
तिनके सेवक तेई रक्षक	रुपन काह लगावो देर ९५
रूपन बोला तब मलखे ते	दादा मानो कही हमार ||
घोड़ करिलिया आल्हा वाला	अपने हाथ देउ तलवार ९६
सुनिकै बातै ये रुपना की	मलखे घोड़ दीन सजवाय ||
ढाल खड्ग रुपना को दैकै	बैठे तुरत बनाफरराय ९७
बैठिकै रुपना फिरी घोड़े पर	ऐपनवारी लीन उठाय ||
चारिघरी को अरसा गुजरो	नैनागढ़े पहूचो जाय ९८
देखिकै बारी दरवानी ने	भारी हांक दीन ललकार ||
कहाँ ते आयो औ कहँ जैहौ	बोलो घोड़े के असवार ९९
सुनिकै बातैं द्वारपाल की	रूपन बोला बचन उदार ||
आल्हा ब्याहन को हम आये	नामी मोहबे के सरदार १००
खबरि सुनावो नैपाली को	फिरि तुम हमैं सुनावो आय ||
ऐपनवारी बारी लायो	ताको नेग देव पाठवाय १०१
सुनिकै बोलो द्वारपाल फिरि	तुम्हरो नेग काह है भाय ||
सोऊ सुनावों महराजा को	लादे लिहे घोड़ पर जाय १०२
सुनीकै बातें द्वारपाल की	रूपन बोला बचन उदार ||
चारिघरीभर चलै सिरोही	द्वारे बहै रक्त की धार १०३
नेग हमारो यहू प्यारो है	देवो पठे स्वई सरदार ||
जाही पियारो तन होवै न	आवै स्वई शूर अब द्वार १०४
सुनिकै बातें ये बारी की	आरी द्वारपाल ह्वै जाय ||
मनमें सोचै मनै बिचारै	मनमें बार बार पछिताय १०५
कैसो बारी यहु आयो है	नाहर घोड़ेका असवार ||
जालिम राजा नैपाली है	तासों कीं चाहै तलवार १०६
यहै सोचिकै द्वारपाल ने	औ रुपन ते कहा सुनाय ||
गरमी तुम्हारी जो उतरी हो	बोलो ठीक ठीक तुम भाय १०७
सुनिकै बातें दरवानी की	रूपन गरू दीन ललकार ||
नगर मोहोबा जगमें जाहिर	नामी मोहबे के सरदार १०८
तिनको नेगी मैं द्वारेपर	लीन्हे खड़ा ढाल तलवार ||
जौन सूरमा हो नैनागढ़	आवै देय नेग सो द्वार १०९
इतनी सुनिकै दरवानी ने	राजै खबरि सुनाई जाय ||
ऐपनवारी बारी लावा	भारी बात कहै सो गाय ११०
चारिघरीभर चलै सिरोही	द्वारे बहै रक्त की धार ||
जौन शूरमाहो राजाघर	आवै देय नेग सो द्वार १११
इतना सुनतै महराजाके	नैना अग्नि बाण ह्वै जाएँ ||
पूरण राजा पटनावाला	बोला राजै बचन सुनाय ११२
हम चलिजावैं अब द्वारेपर	बारी नेग देयं चुकवाय ||
इतना कहिकै चलि ठाढो भो	साथै औरो चले रिसाय ११३
सवैया ||
द्वार चले तलवार लिए रत मारहि मार कुमारन पेखा |
लाल गुपाल गाहे करबाल ख्यलें जसफाग भयऊ तस भेखा ||
मार अपार जुझार किये औ गिरे रणखेत रहे नहिं शेखा |
बारीकरै कब रारी नृपे ललिते मलखान कि है यह लेखा ११४
पूरन राजा पटना वाला	लीन्हे नांगि हाथ तलवार ||
सो धरि धमका त्यहि रुपनके	रूपन लीन ढालपर वार ११५
सांगी उठाई फिरि रूपन ने	राजै बार बार ललकार ||
लटुवा लाग्यो पूरन शिर में	औ बहिचली रक्तकी धार ११६
अगल बगल के फिरि मारतभा	दायें बायें दीन हटाय ||
ऍड़ा मसके फिरि मारत भो	फाटक तुरत पार ह्वैजाय ११७
गाली गाली में फिरि मारत भो	औ बहिचली रक्तकी धार ||
घरी चारके फिरि अरसा में	लश्कर आय गयो असवार ११८
लाले रंग सों भीजे दिख्यो	फागुन टेसू के अनुहार ||
पूँछी हकीकति तब मलखेने	नाहर मोहबे के सरदार ११९
कैसी गुजरी नैनागढ़ में	रूपन हाल देउ बतलाय ||
सुनिकै बातें मलखाने की	रूपन यथातथ्य गा गाय १२०
हल्ला ह्वैगा नैनागढ़माँ	जहाँ तहाँ कहाँ लागि सबकोय ||
ऐसे बहादुर जहांके परजा	तहंके नृपतिकहौ कास होयँ १२१
देखी तमाशा यहु बारी का	राजा बार बार पछिताय ||
बड़ी हीनता हमरी ह्वैगै	बारी जियतनिकरिगाहाय १२२
जोगा भोगा दोऊ लरिका	बोले हाथ जोरि शिरनाय ||
हुकुम जो पावैं महराजा का	सबकी कटा देयंकरवाय १२३
जितनी रांडें चढ़ी आई हैं	सो बिनघाव एक ना जायें ||
खेदिकै मारें हम मोहबे लग	टेटूवा टायर लयं चिनाय १२४
सुनीकै बातैं ये लरिकन की	राजै हुकुम दीन फ़रमाय ||
तुरत नगड़ची को बुलवायो	तासोंबोल्योहुकुमसुनाय १२५
बजै नगाड़ा नैनागढ़ में	सबियाँ फौज़ होय तय्यार ||
भोर भुर्हरे पहफाटत खन	मारों मुह्बे के सरदार १२६
इतना कहिकै दूनों चलिभे	अपने महल पहूंचे जाय ||
खेत छुटीगा दिननायक सों	झन्डागडानिशाको आय १२७
तारागण सब चमकन लागे	संतान धूनी दीन परचाय ||
परे आलसी निजनिज खटिया	घों घों कंठ रहे घर्राय १२८
माथ नवाबों पितु अपने को	जो नित मिरे करें सहाय ||
करों तरंग यहाँ सों पूरण	पूरण ब्रह्म राम को ध्याय १२९
आए फौजें दूनों सजिहैं	मची हैं घोर शोर घमसान ||
जोगा भोगा के मुर्चापर	लड़ी हैं खूब वीरमलखान १३०
बरातआगमनवर्णनोनामप्रथमस्तरंग